مساء الخير عليكو وعللي خلفوكو
في البداية بدي احكي شغلة
الموضوع طويل حبتين اقروه للآخر وحتستفيدو كتير وفي مفاجأة في آخر الموضوع تحت
صلولي ع النبي
القصة كلها اجت هيك صدفة
وانا من خلال تجاربي السابقة اكتشفت انه فعلا الصدفة خير من ألف ميعاد << مين هاظ
وصدق الشاعر حين قال : اححححححححححححح سقعة
نخوش في موضوعنا ع طول
طبعن انتو عارفين احنا دخلنا في فصل الشتا ومحدش سمى علينا
بس اللي بتعرفهوش عاد انو دخلنا في الاربعينية
ولو اني لليوم مش عارف ايش يعني اربعينية واشمعني مسموهاش تسعة وتلاتينية مسلن ؟!
واكيد انتو عارفين انه في هالفصل بالذات بتصير تقطع الكهربا لفترات طويلة في اليوم
ما علينا
،
اليوم كنت مروح من مشوار وتعبان واول ما وصلت الدار صليت العصر
واجيت قعدت ع الجهاز وفتحت المقعد
بتذكر اني دخلت على قسم الالعاب مخبصة في
دخلت عليه ولمحت اسم اللعبة
مجرد ما لمحته قطعت الكهربا الله وكيلكو
قلت الله يخلف عليكي يا لعبة يا ريتني ما دخلت هالموضوع
طبعن انا قلت في عقلي حاجة تانية اكيد كلكو عارفينها
المهم سيبونا من اللعبة
في هاللحظة العظيمة كان قدامي عدة افكار ومشاريع
اول مشروع طبعن كلكو عارفين ( النوم )
والمثل بقلك ( النوم في سنين الشسمو فايدة )
بس مظبطش معي لاني بعرفش انام الا ع دفاية
تاني مشروع مشروع متور كهربا
الأخ ابو وديع طرح علبا الفكرة من فترة وانا مقتنعتش فيها غير اليوم
بس الدنيا آخر شهر والفلس دبحنا
المهم رحت ع الغرفة التانية اشوف ابووديع اخويا
لسة بدي احكيله هااااااااااي الا هو بحكيلي بالعجل بالعجل شوفلك مشوار خلينا نطلع قبل ما تعتم الدنيا
حكيتله ايدي في حزامك
اخرجني من هذا المأزق
حكينا لحالنا وين بدنا نروح ملقيناش قدامنا غير محمود حمدي بتكون الكهربا جاية عندهم << مين محمود حمدي
هادا بيكون ابن خال عمتو للموسيقار الكبير بليغ حمدي //
وبالفعل سحبنا حالنا ورحنا ع محمود حمدي
اول ما وصلنا باب دارهم طلع استقبلنا استقبال اخو شلن
قال بالحرف الواحد : الله لا يجيب الطريق اللي جابتكو
له له ليش هيك يا محمود
قال لسة عمالها بتقطع الكهربا
حلو حلو
بدل اتنين صرنا تلاتة
حكيناله طب بالعجل بالعجل البس وتعال نشوفلنا مشوار
قلنا فكرة ممتازة
طب وين بدنا نروح هلقيت .. كل البني آدمين اللي بعرفهم خط الكهربا تبعهم نفس خطنا
سحبنا حالنا ومشينا
لقينا سواق بزمر .. ع وين يا شباب ؟
ايش بده هادا ؟
فتحتنا ابواب السيارة واركبنا .. ولا كلمة
السواق مشي وبعد شوية رجع يسأل ع وين ان شاء الله يشباب
حكيتله امشي وانت ساكت
طبعن احنا مكشرين والفلم داحل معنا لألله
السواق ضلو ساكت وماشي
ساكت وماشي في نفس الوقت
الزلمة فكّر حاله مخطوف
رجع كرر السؤال يشباب وين مشواركو
حكيناله ايش آخر حاجة في رفح ؟
حكالنا البحر
قلنا اوش تمام والله الجو ربيعة هاتو نقعد ع البحر
نزلنا ع البحر ( استراحة الرائع ) وقعدنا ساكتين
هب ع بالنا نشرب قهوة من وين بدنا نجيب قهوة !
فش ولا مخلوق ع البحر
قلت للشباب ملناش غير دردوز رجل المواقف الصعبة
اتصلت ع دردوز وحكيتله جيب تيرمس قهوة وتعال
اجا دردوز وجاب القهوة معو والوضع عجبه عالآخر
هدوووووووووووووووووووء هدوء فوق ما تتصورو
بنفعش هيك لازم نعمل ضجة ودوشة اقل ما فيها الناس تعرف انو احنا اجينا << انوهما ناس يخو
ملاحظة : دردوز اسم ابن عمي بس من ابو تاني)
موش مورتبط هوا على فكرة
وابو وديع برضو ابن عمتو لابوي من خال تاني < له يشيخ
لوين وصلنا ؟
اها
اها
هلقيت عصافير بطني صارن يلعبن شريدة
يعني جوعت من الآخر
ايش بدنا ناكل ؟ احنا في صحرا دخيل الله
هان اجا دور العضو ميزر الي هوا ابن اخو امي من ابو تاني(هههههههههه )
ادعوله ربنا يعلي مراتبه
سحبت الجوال عن جنبي زي الأسد وانا بكلم من الازعر طبعن واتصلت فيه وحكيلته بدنا نطفح
حكالي اطفحوا الله يجعلكو تتسممو انا ايش خصني ؟
حكيتله يحمااااااااااااااار افهم
انا قصدي نطفح مع بعضينا
حكالي ااااااااااااااااااااااه احكي هيك من الاول
يجماعة الجو كان ربيعة رسمي انا قبعت معي عالآخر وكنت بدي اجيب فرشة وانام
لدرجة اني شلحت بالشباح والكلسون هههههههههههه
ههههههههههههههههههههههههههههههههههههههه
هههههههههههههههههههههههههههههه
هههههههههههههههههههههههههههههههههههههههههههههههههههههههههه
هههههههههههههههههه
اضحكو اضحكو
،
ايش حكينا آخر اشي
اها اها اها
الازعر قرر انه يطفح معنا
حكالي طيب ايش بدكو تطفحو
حكيتله اذا السيارة معك غوز ع اي مسلخ بسرعة وهاتلنا شيش بدنا نشوي
حكالي طيب وين اجيبه ؟
حكيتله ع البحر
هان بلش الفار يلعب في عب الازعر وفكرني بنكش راس عليه
حلفتله بالله مسدقش
حلفتله عالمصحف مسدقش
حلفتله ع شباك النبي مسدقش
وين لما شافني عصبت وصرت اشد في شعر اباطي ع الجوال سدق
بالفعل والله وغاب السبع وجاب
طبعن الازعر رجع ع الدار جاب الكنون وكيلو فحم وجهز شوية حبشتكنات
وقعدنا وقضينا ليلة من اجمل ليالي العمر
وجت بظروفها دي حاجة كده جت مش مترتبة
هنا آثار الجريمة
وفي الختام بحب اشكر البني آدم اللي نزّل سكينة الكهربا
هههههههههههههههههههههههههههههههههههههههههههههه
هههههههههههههههههههههههههههه
ويا رب ما يعيدها
انا هيك بعمل لما تقطع الكهربا
انتو ايش بتعملو ؟
هلقيت اجا وقت المفاجئة اللي وعدتكو فيها
احكولي شكرن بالاول
السبت فبراير 06, 2010 8:36 am
